Trajnim 7 Shkurt

Kryetari i familjes bujqësore është:

a. Gëzon cilësi të posaçme në kuadër të marrëdhënies së pronësisë, përveç cilësisë së anëtarit të familjes që ka qenë në gjendjen familjare.

b. Kryen veprime jurdike në lidhje me pasurinë e familjes bujqësore në emër të anëtarëve të familjes bujqësore pa qënë e nevojshme marrja e pëlqimit të këtyre të fundit.

c. Kryefamiljari (kryetari i familjes bujqësore) nuk mund të paraqitet në gjykim si një përfaqësues i bashkëpronarëve të tjerë që kanë përfituar tokë bujqësore, pa patur një akt të posaçëm përfaqësimi ku t’i caktohet një tagër i tillë, ashtu sikurse nuk mund të paraqitet si i paditur i vetëm, për shkak se ndodhemi përpara bashkëndërgjyqësisë së detyruar.

Ligji Nr. 7501/1991:

a. përbën një mënyrë fitimi pronësie pa shpërblim mbi tokën bujqësore;

b. toka bujqësore u tjetërsua nga shteti në favor të individëve që kishin të regjistruar gjendjen familjare në fshat në datën 01.08.1991 ose 01.10.1992 dhe që plotësonin kushtet e caktuara në ligj dhe në akte nënligjore;

c. tagrat e pronësisë paraqiteshin të kufizuara, duke qenë se mungonte tagri i tjetërsimit të pronës;

d. Të gjitha alternativat më lart.

AMTP-ja:

a. Lëshohet për çdo anëtar të familjes individualisht

b. Nuk përbënte titull pronësie përderisa ligji nuk përmbante të tre tagrat e saj

c. Ishte në pronësi vetëm të kryefamiljarit

d. Përbën titull e pronësisë.

e. Përbën akt administrativ individual ku konkretizohet veprimtaria e organit publik për kryerjen e procesit të ndarjes së tokës bujqësore. Sipas qëndrimit të KBGJL, mosmarrëveshjet që burojnë nga aktet e marrjes së tokës në pronësi, që kanë të bëjnë me kundërshtimin e tyre, janë të natyrës administrative, pavarësisht natyrës civile të pasojave që akti i dhënies së tokës në pronësi ka sjellë për palët e interesuara.

f. Alternativat “d” dhe “e”.

Bashkëpronësia midis anëtarëve të familjes bujqësore:

a. përbën bashkëpronësi në tërësi

b. shfaqet në qarkullimin juridik civil si një formacion kolektiv, që përbëhet nga tërësia e anëtarëve të saj, por që nuk ka personalitet juridik;

c. kriteri kryesor për të përcaktuar se pasuritë janë në bashkëpronësi në tërësi të anëtarëve të familjes bujqësore është që ato të jenë krijuar si rezultat i punës së përbashkët të tyre, në funksion të mbarëvajtjes së ekonomisë bujqësore dhe çdo pasuri tjetër, që është fituar në pronësi nga secili prej tyre, me çdo mënyrë fitimi pronësie, përpara se të krijohet familja bujqësore, mbetet pasuri vetjake e secilit prej tyre

d. Të gjitha alternativat (a, b, c).

Anëtari i familjes bujqësore

a. Nuk është e domosdoshme të kontribuojë në krijimin dhe mbajtjen e ekonomisë bujqësore, përmes punës ose të drejtave të tjera të fituara;

b. Pjesa e anëtarit të vdekur të familjes bujqësore u kalon trashëgimtarëve të tij, pavarësisht qënies së tyre ose jo anëtarë apo kontributit të tyre për familjen bujqësore

c. Anëtarë të familjes bujqësore nuk janë personat që lidhen për shkak gjinie, personat që lidhen nga marrëdhënia e birësimit, personat që lidhen për shkak martese

d. Të drejtën e kërkimit të pjesës takuese nuk e kanë edhe anëtarët që janë larguar nga familja bujqësore dhe që me punën e tyre para largimit kanë kontribuar në vënien dhe shtimin e pasurisë së saj;

Leave a Reply Cancel reply

Shkolla e Magjistraturës