Quiz 27-28 Janar 2025

Rrethoni përgjigjen e saktë.

A. Vendimet e GJEDNJ-së:

a. janë autoritet detyrues për sistemin tonë të brendshëm dhe zbatohen drejtpërsëdrejti.

b. kundër Shqipërisë, janë autoritet detyrues për sistemin tonë të brendshëm dhe zbatohen drejtpërsëdrejti.

c. kundër Shqipërisë dhe ato, që vendosin standarde minimum për kufizimin e të drejtave dhe lirive konventore, janë autoritet detyrues për sistemin tonë të brendshëm dhe zbatohen drejtpërsëdrejti.

B. Në rastin kur gjyqtari i juridikisonit të zakonshëm vlerëson se ligji, që rregullon zgjidhjen e çështjes në shqyrtim, bie në kundërshtim me një nen apo standard të KEDNJ dhe jurisprudencës përkatëse:

a. ai injoron ligjin dhe zbaton drejtpërsëdrejti nenin/standardin e KEDNJ, duke u bazuar në parimin e hierarkisë së akteve normative.

b. ai zbaton ligjin duke e interpretuar në pajtim me KEDNJ.

c. ai pezullon çështjen dhe i drejtohet Gjykatës Kushtetuese, nëpërmjet kontrollit incidental konventor të ligjit.

C. Gjyqtari i juridiksionit të zakonshëm:

a. në asnjë rast nuk e zbaton Kushtetutën në mënyrë të drejtpërdrejtë për zgjidhjen e një çështjeje konkrete, duke presupozuar se duhet të ketë një ligj që e rregullon zgjidhjen e çështjes.

b. e zbaton Kushtetutën në mënyrë të drejtpërdrejtë kur nuk ka një rregullim ligjor specifik që rregullon zgjidhjen e çështjes.

c. e zbaton Kushtetutën në mënyrë të drejtpërdrejtë kur ligji që rregullon zgjidhjen çështjes konkrete bie ndesh me një dispozitë specifike të Kushtetutës.

D. Vendimi përfundimtar i Gjykatës Kushtetuese:

a. ka forcën e ligjit dhe është autoritet detyrues për juridiksionin e zakonshëm gjyqësor.

b. që është marrë në përfundim të kontrollit abstrakt të aktit normativ, ka forcën e ligjit dhe është autoritet detyrues për juridiksionin e zakonshëm gjyqësor.

c. ka fuqinë e precedentit dhe është autoritet detyrues për juridiksionin e zakonshëm gjyqësor për t’u ndjekur në raste të ngjashme.

Quiz 27-28 Janar 2025

Leave a Reply Cancel reply

Shkolla e Magjistraturës