22 janar – Personat juridik në cilësinë e të pandehurit. Përfaqësimi i personit juridik dhe veçoritë dhe probleme të praktikës gjyqësore

Rrethoni përgjigjen e saktë.

1. Personi juridik ka përgjegjësi për vepra penale të kryera:

a) në emër dhe në dobi të tij, nga organet dhe përfaqësuesit e tij;

b) në emër ose në dobi të tij, nga një person, që nuk është nën autoritetin e personit që përfaqëson, drejton dhe administron personin juridik;

c) në emër ose në dobi të tij, për shkak të mungesës së kontrollit apo të mbikëqyrjes nga personi që drejton, përfaqëson dhe administron personin juridik.

2. Dënimet plotësuese, që nuk zbatohen për njësitë e qeverisjes vendore, personat juridikë publikë, partitë politike dhe sindikatat janë:

a) mbyllja e një ose më shumë veprimtarive apo strukturave të personit juridik;

b) vendosja e personit juridik në administrim të kontrolluar;

c) ndalimi për të marrë pjesë në procedurat e prokurimit të fondeve publike;

d) heqja e së drejtës së marrjes ose përdorimit të licencave, autorizimeve, koncesioneve ose subvencioneve;

e) ndalimi për të kërkuar publikisht fonde dhe burime financiare;

f) heqja e së drejtës së ushtrimit të një apo më shumë veprimtarive ose operacioneve;

3. Mbarimi i personit juridik, për shkak të përgjegjësisë për kryerjen e veprës penale, jepet kur ekziston njëra nga shkaqet e mëposhtme:

a) nuk është themeluar me qëllim kryerjen e veprës penale;

b) ka përdorur në një masë të rëndësishme fushën e veprimtarisë së tij për t’i shërbyer kryerjes së veprës penale;

c) nuk kanë ardhur pasoja të rënda nga kryerja e veprës penale.

d) në rastet e kryerjes së veprës penale më shumë se një herë dhe për rrethana të tjera rënduese, sipas Kodit Penal dhe dispozitave të tjera penale.

4. Vendosja e personit juridik në administrim të kontrolluar jepet kur çmohet se:

a) një masë e tillë ka efekt parandalues ose pajtohet me natyrën e veprës së kryer.

b) personi juridik nuk ofron shërbime dhe kryen veprimtari në interes publik;

c) zbatimi i dënimeve nuk sjell pasoja të rënda në punësim, në zhvillimin ekonomik e shoqëror dhe në mbrojtjen e mjedisit.

5. Në vendimin e dënimit të personit juridik, përveç elementeve të parashikuara në Kodin e Procedurës Penale, duhet të përcaktohen edhe:

a) selia qendrore;

b) forma e shoqërisë dhe emërtimi;

c) numri i vendimit të regjistrimit si person juridik;

d) gjenealitetet e përfaqësuesit të tij.

e) të gjitha të mësipërmet

6. Cili nga pohimet është i vertet lidhur me përfaqësimin e personit juridik:

a) Personi juridik, që procedohet penalisht, nuk përfaqësohet nga organi i personit juridik ose avokati i emëruar prej tij.

b) Përfaqësuesi në procedimin penal caktohet brenda 10 ditëve nga njoftimi i prokurorit, nga organet e personit juridik që, sipas ligjit dhe akteve të shoqërisë, kanë të drejtën e vendimmarrjes dhe të përfaqësimit të tij tek të tretët.

c) Përfaqësues i personit juridik mund të jetë personi, që thirret në cilësinë e dëshmitarit ose procedohet penalisht për të njëjtën vepër penale.

d) Nëse personi juridik cakton përfaqësuesin e vet brenda afatit të caktuar, ai caktohet nga organi procedues ose gjykata.

22 janar – Personat juridik në cilësinë e të pandehurit. Përfaqësimi i personit juridik dhe veçoritë dhe probleme të praktikës gjyqësore

Leave a Reply Cancel reply

Shkolla e Magjistraturës