Pyetësor lidhur me temën: “Çmuarja e provave, si domen i gjykatave të faktit dhe vlerësimi i tyre nga Gjykata e Lartë si pjesë e arsyetimit të vendimit gjyqësor”

1. Gjykata Kushtetuese:

a) Nuk çmon provat në një çështje civile/penale/administrative;

b) Bën një rivlerësim të përciptë (prima facie) të fakteve dhe rrethanave

c) Bën një vlerësim të natyrës kushtetuese

d) Ndërhyn kur gjykatat e juridiksionit të zakonshëm kanë cenuar të drejtat kushtetuese të palëve

e) Verifikon ligjshmërinë e krijimit dhe marrjes së provave

f) a+ c+d+e

2. Parimi i barazisë së armëve dhe kontradiktoritetit nënkupton se:

a) Çdokush që është palë në proces duhet të ketë mundësi të barabarta që të paraqesë çështjen e tij dhe se asnjë palë nuk duhet të gëzojë avantazh të konsiderueshëm ndaj palës tjetër, por duhet të përcaktohet një ekuilibër i drejtë mes tyre.

b) Gjykatës i dalin një sërë detyrash, mes të cilave rëndësi të veçantë merr krijimi i mundësive të barabarta për pjesëmarrjen e palëve ose përfaqësuesve të tyre në proces, si dhe mundësia e deklarimit të tyre për faktet, provat dhe vlerësimet ligjore që janë të lidhura ngushtë me çështjen që shqyrtohet në gjykatë.

c) a+b

d) Vetëm “a”

3. “Gjykata e Lartë, në funksionin e saj si gjykatë e ligjit, mund të ndryshojë vendimet e gjykatave të faktit dhe të shprehet për themelin e çështjes, duke bërë vlerësim të ndryshëm të provave dhe fakteve që janë administruar gjatë gjykimit nga gjykatat më të ulëta.” Ky pohim është:

a) I vërtetë

b) I gabuar

c) Nuk e di

4. “Gjykata e Lartë mund të vendosë për themelin e çështjes vetëm nëse mosmarrëveshja mund të zgjidhet në bazë të të njëjtave fakte e prova të vlerësuara nga gjyqtari i faktit dhe që përbëjnë bazën e vendimit në të cilin është bërë një interpretim i gabuar i ligjit.” Ky pohim është:

a) I vërtetë

b) I gabuar

c) Nuk e di

5. Gjykata e Lartë:

a) Nuk mund të anashkalojë ose të lërë pa vlerë prova që janë shqyrtuar dhe vlerësuar nga gjykatat e faktit.

b) Mund të pranojë prova të cilat nuk janë administruar gjatë gjykimit në fakt, nëse vlerëson se duheshin pranuar.

c) Mund të përjashtojë prova që nuk duheshin pranuar në gjykim.

d) Të gjitha.

e) Asnjë prej tyre.

6. Rivlerësimi ndryshe i fakteve dhe provave të marra gjatë gjykimit në shkallët më të ulëta gjyqësore, nga Gjykata e Lartë, bie ndesh me parimin e:

a) Barazisë së armëve.

b) Sigurisë juridike.

c) Drejtësisë dhe paanësisë.

d) Gjykatës së caktuar me ligj.

7. Standarti i arsyetimit të vendimit gjyqësor:

a) Kërkon përgjigje të detajuar për çdo pretendim të palëve ndërgjyqëse.

b) Përgjigjet ndaj pretendimeve varen nga natyra e vendimit.

c) Kur në rekurs janë ngritur pretendime të natyrës kushtetuese, Gjykata e Lartë duhet të investohet në ekzaminimin e tyre.

d) Kur në rekurs janë ngritur pretendime të natyrës kushtetuese, Gjykata e Lartë duhet të mbajë një qëndrim të shprehur lidhur me to.

e) Të gjitha janë të vërteta.

f) b+c+d+e

8. Zgjidh pohimet e sakta sa i përket administrimit të provave sipas Konventës Evropiane të të Drejtave të Njeriut/Gjykatës Evropiane të të Drejtave të Njeriut:

a) KEDNJ përcakton rregulla të kujdesshme për administrimin /vlerësimin e provave.

b) Pranueshmëria, vlerësimi, vlera provuese e provave, rëndësia e provave dhe përcaktimi i barrës së provës- janë kryesisht çështje për t'u rregulluar nga ligji i brendshëm dhe nga gjykatat vendase.

c) GJEDNJ konstaton nëse gjykimi në tërësi ishte i paanshëm, duke përfshirë mënyrën në të cilën u morën provat.

d) GJEDNJ në disa raste mund të vërë në dyshim vlerësimin e provave nga ana e gjykatave vendase sipas nenit 6 § 1 të KEDNJ.

e) E drejta për të thirrur dëshmitarë është absolute, në kuadër të nenit 6/1 të KEDNJ (proces i rregullt).

f) Trajtim i ndryshëm i dëshmitarëve mund të sjellë cenim të nenit 6/1 të KEDNJ, konkretisht të parimit të barazisë së armëve.

g) Të gjitha alternativat.

h) b+c

i) b+c+e

j) b+e+f

k) b+c+d+f

9. Prova me ekspert sipas GJEDNJ:

a) Mund të refuzohet pa dhënë asnjë arsye.

b) Refuzimi duhet të shoqërohet gjithmonë nga arsye.

c) Mund të refuzohet në kuadër të rrethanave të çështjes.

d) Duhet patjetër të përmbush kërkesat për paanësi dhe pavarësi, sikurse gjykata.

e) Eksperti mund të tregojë anshmëri edhe në gjuhën e përdorur.

f) Mund të caktohet edhe nga organe të specializuara që janë vetë palë në çështjen kur kjo kërkohet nga natyra e çështjeve në mosmarrëveshje, mjafton që të mos ketë arsye objektive që të pretendohet anshmëri.

g) Të gjitha alternativat.

h) Me përjashtim të “a” të gjitha alternativat.

i) b+c+e+f

10. Sipas GJEDNJ, gjykatave të brendshme u kërkohet të shqyrtojnë pretendimet në lidhje me të drejtat dhe liritë e garantuara nga Konventa dhe Protokollet e saj, si pasojë e:

a) Hapësirës së lirë të vlerësimit. b) Parimit të sovranitetit. c) Parimit të kushtetutshmërisë dhe sigurisë juridike. d) Parimit të subsidiaritetit. e) Detyrimit për të zbatuar Konventën dhe protokollet e saj.

11. Sipas Kodit të Procedurës Civile të Republikës së Italisë, neni 116 parashikon se: “Gjyqtari duhet të çmojë provat sipas vlerësimit të tij të kujdesshëm, përveç nëse ligji parashikon ndryshe.Gjyqtari mund të nxjerrë argumente provuese nga përgjigjet që palët i japin sipas nenit vijues, nga refuzimi i pajustifikuar i tyre për të lejuar inspektimet që ai ka urdhëruar dhe, në përgjithësi, nga sjellja e vetë palëve në gjykim.” Kjo interpretohet siç vijon:

a) Kjo dispozitë përcakton parimin e bindjes së lirë të gjyqtarit në lidhje me vlerësimin e provave.

b) Parimi i bindjes së lirë zbatohet edhe në rast se ekzistojnë prova ligjore, vlera e të cilave i atribuohet me ligj.

c) "Vlerësim i kujdesshëm" nënkupton se gjyqtari vlerëson besueshmërinë e çdo rrethane që i vihet në vëmendje, por jo domosdoshmërisht ta përdorë.

d) "Vlerësim i kujdesshëm" nënkupton se gjyqtari vlerëson besueshmërinë e çdo rrethane që i vihet në vëmendje, dhe ka detyrimin ta përdorë atë në vendim.

e) “Vlerësim i kujdesshëm” duhet të bazohet në rregullat e logjikës dhe të përvojës.

f) “Vlerësim i kujdesshëm” iu referohet provave atipike.

g) Sjellja e palëve, sikurse është mosparaqitja në gjykim mbahet parasysh nga gjyqtari.

h) Të gjitha janë të vërteta.

i) a+c+e+f

j) a+b+c+d+g

k) b+d+g

Pyetësor lidhur me temën: “Çmuarja e provave, si domen i gjykatave të faktit dhe vlerësimi i tyre nga Gjykata e Lartë si pjesë e arsyetimit të vendimit gjyqësor”

Leave a Reply Cancel reply

Shkolla e Magjistraturës