Trajnim 16 Janar

Me “burime të hapura” do të kuptohen ato të dhëna apo informacione që mund të aksesohen nga çdo subjekt i interesuar?

Fillimi kryesisht i procedimit penal kushtëzohet me kompetencën lëndore dhe/ose të tokësore të prokurorisë qe procedon, apo kompetenca e seksionit të cilit prokurori i përket?

Prokurori në çdo rast, edhe kur fillon kryesisht procedimin penal, është i detyruar të evidentojë në fashikullin e hetimeve aktin e marrjes dijeni për veprën penale?

Ndarja e çështjes penale në fazën e hetimeve për autorë të paidentifikuar, përbën rast fillimi kryesisht të hetimeve për procedimin e ndarë?

Detyrimi i ushtrimit të ndjekjes penale përfshin detyrimin e prokurorit për fillimin kryesisht të procedimin penal me ardhjen në dijeni të faktit penal përmes burimeve të hapura?

Mos vlerësimi i fillimit të procedimit penal nga prokurori për një fakt që dukshëm përmban elementët e veprës penale dhe të dhënat janë të mjaftueshme për të krijuar besueshmërinë e ekzistencës e faktit, mund të përbëjë shkak për përgjegjësinë disiplinore të prokurorit?

Udhëzimet jo të detyrueshme për çështje konkrete të drejtuesit të prokurorisë (të cilat mund të jenë dhe verbale e që më pas konfirmohen me shkrim) mund të shtrihen në fazën e vlerësimit nga prokurori të fillimit kryesisht të procedimit penal?

Fillimi kryesisht i procedimit penal nga prokurori i posaçëm cenon kompetencën e drejtuesit të Prokurorisë së Posaçme për caktimin e çështjeve prokurorëve bazuar në specializimin e tyre?

Me qëllim fillimin e hetimeve kryesisht nga burimet mediatike, prokurori ose oficeri mund të japë dhe marrë informacione me gazetarin për fillimin dhe ecurinë e hetimit?

Në çdo rastet informacionet video/audio të përfituara nga media kanë vlerën e provës në një procedim penal?

Ligji i njeh Drejtuesit të prokurorisë kompetencë të posaçme për drejtimin e hetimeve të krimeve zgjedhore?

Udhëzimi i përgjithshëm mund të përcaktojë se për kategori të caktuar veprash apo për grupe të caktuara shoqërore procedimi fillon vetëm mbi bazën e kallëzimit të subjektit?

Hetimet e filluara kryesisht kanë një përqindje suksesi më të lartë se sa hetimet e tjera?