Trajnim 13 dhjetor

1. Cila nga këto alternativa është e saktë:

- Dispozitat ligjore të trafikimit janë parashikuar për herë të parë me ndryshimet ligjore të vitit 2001.

- Përcaktimi i plotë ligjor i elementëve të trafikimit në K.Penal është bërë me ndryshimet ligjore të vitit 2004.

- Me ndryshimet ligjore të vitit 2013, në dispozitën për trafikimin e të rrituve, është parashikuar shprehimisht elementi territorial.

- Të gjitha alternativat e mësipërme.

2. Protokolli Shtesë mbi ‘Parandalimin, shtypjen, dhe ndëshkimin e trafikimit të personave, në mënyrë të veçantë të grave dhe fëmijëve, i quajtur ndryshe “Protokolli i Palermos”, ka këto veçori:

- Ka shtrirje universale;

- Për herë të parë ka parashikuar terminologjinë dhe përkufizimin e trafikimit të personave si krim,

- Vendos detyrime pozitive per shtetet anëtare.

- Të gjitha alternativat e mësipërme.

3. Cila nga këto alternativa është e saktë në lidhje me elementin territorial “si brenda dhe jashte territorit te Republikës së Shqipërisë”:

- Ky element gjen zbatim vetëm në rastet e trafikimit të personave të rritur, pasi parashikohet shprehimisht vetëm nga neni 110/a i K.Penal.

- Ky element gjen zbatim për të gjitha rastet e trafikimit të personave të rritur dhe me mitur, pavarësisht parashikimit ligjor të saj.

- Ky element ka të njëjtën zbatim territorial si në rastin e trafikimit të narkotikëve.

- Asnjë.

4. Termi “Viktima vulnerabël” përfshin faktor si:

- Fëmijët;

- Gjininë;

- Shtazaninë;

- Personat me paaftësi fizike dhe mendore.

- Të gjithë faktorët e mësipërm.

5. Trafikimi i personave të rritur konsidenrohet i kryer:

- Kur provohet se subjekti kryen njëkohësisht të dyja elementet e veprës, veprimet, dhe qëllimi.

- Kur provohet se subjekti kryen njëkohësisht të tre elementet e veprës, veprimet, mjetet, qëllimi.

- Kur provohet se subjekti kryen njëkohësisht të dyja elementet e veprës mjetet dhe qëllimi.

- Asnjëra prej tyre

6. Trafikimi i personave të mitur konsiderohet i kryer:

- Kur provohet se subjekti kryen njëkohësisht të tre elementet e veprës, veprimet, mjetet, qëllimi.

- Kur provohet se subjekti kryen njëkohësisht të dyja elementet e veprës, veprimet, dhe qëllimi.

- Ka të njëjtët element me trafikimin e personave të rritur.

- Asnjëra prej tyre

7. Cilat janë “mjetet " që nuk kërkojnë përdorimin e forcës:

- Kërcënimet;

- Forma të tjera të shtrëngimit;

- Mashtrimi;

- Shpërdorimi i detyrës;

- Përfitimi nga gjendja shoqërore, fizike apo psikike;

- Dhënia apo marrja e pagesave ose përfitimeve për të marrë pëlqimin e personit që kontrollon një person tjetër

- Të gjitha.

8. Cila alternativë është e saktë lidhur me kuptimin e “Pozitë e vulnerabilitetit”:

- I referohet situatës ku personi i përfshirë nuk ka asnjë alternativë tjetër konkrete ose të pranueshme, përveçse t’i nënshtrohet abuzimit ku është përfshirë”.

- Përfshihet gjendja shoqërore, fizike apo psikike, por mund të jetë dhe emocionale, familjare, ekonomike, përfshirë dhe traditën apo mentalitetin e familjes së viktimës.

- Situatat në varësi të këtij mjeti nuk janë shteruese.

- Të gjitha sa më sipër.

9. Prova me ekspert sipas GJEDNJ:

a) Mund të refuzohet pa dhënë asnjë arsye.

b) Refuzimi duhet të shoqërohet gjithmonë nga arsye.

c) Mund të refuzohet në kuadër të rrethanave të çështjes.

d) Duhet patjetër të përmbush kërkesat për paanësi dhe pavarësi, sikurse gjykata.

e) Eksperti mund të tregojë anshmëri edhe në gjuhën e përdorur.

f) Mund të caktohet edhe nga organe të specializuara që janë vetë palë në çështjen kur kjo kërkohet nga natyra e çështjeve në mosmarrëveshje, mjafton që të mos ketë arsye objektive që të pretendohet anshmëri.

g) Të gjitha alternativat.

h) Me përjashtim të “a” të gjitha alternativat.

i) b+c+e+f

10. Sipas GJEDNJ, gjykatave të brendshme u kërkohet të shqyrtojnë pretendimet në lidhje me të drejtat dhe liritë e garantuara nga Konventa dhe Protokollet e saj, si pasojë e:

a) Hapësirës së lirë të vlerësimit. b) Parimit të sovranitetit. c) Parimit të kushtetutshmërisë dhe sigurisë juridike. d) Parimit të subsidiaritetit. e) Detyrimit për të zbatuar Konventën dhe protokollet e saj.

11. Parimi i Mosdënimit të Viktimave të Qënieve Njerëzore nënkupton:

- sigurinë që viktimat të mos dënohen për veprime që nuk do t’i kishin kryer po të mos ishte për arsye të viktimizimit të tyre.

- mbështetje dhe shërbime të nevojshme për shmangjen e nënshtrimit të tyre ndaj traumës apo viktimizimit të mëtejshëm.

- inkurajimin e viktimave për të raportuar krime të kryera kundër tyre pa pasur frikën e të qenit të censuruar vetë.

- sigurimin që viktimat nuk dënohen për sjelljen e trafikantëve.

- Të gjitha alternativat e mësipërme.

12. Cilat janë mekanzimit e parashikuara në legjislacionin shqiptar që garantojnë të drejtën për dëmshpërblimin e viktimave të trafikimit personave:

- E drejta për të kërkuar dëmshpërblimin nga trafikanti/shfrytëzuesi, përmes procesit penal;

- E drejta për të kërkuar dëmshpërblimin nga trafikanti/shfrytëzuesi, përmes procesit civil;

- E drejta për dëmshpërblim nga fondet shtetërore.

- Vetëm dy alternativat e para.

- Tre alternativat e para.

Trajnim 13 dhjetor

Leave a Reply Cancel reply

Shkolla e Magjistraturës