“Aktet e ekspertimit si provë shkresore. Kushtet e vlefshmërisë, përdorshmërisë dhe papërdorshmërisë së tyre në procesin gjyqësor civil. Procesi i të provuarit gjatë gjykimit civil dhe veçoritë e aktit të ekspertimit si provë”

1. Cili pohim është i saktë?

A. Eksperti në procesin gjyqësor civil caktohet nga palët, pa qenë i nevojshëm miratimi i gjykatës.

B. Eksperti në procesin gjyqësor civil caktohet nga palët, pasi merret miratimi i gjykatës.

C. Eksperti në procesin gjyqësor civil caktohet nga gjykata, pasi merret mendimi i palëve.

Ç. Eksperti në procesin gjyqësor civil caktohet nga gjykata, pa qenë e nevojshme marrja e mendimit të palëve.

2. Cili pohim është i gabuar?

A. Eksperti në procesin gjyqësor civil shprehet për fakte që kërkojnë njohuri shkencore, teknike, ose artistike.

B. Eksperti në procesin gjyqësor civil nuk mund të asistohet nga ndihmës.

C. Palët dhe gjykata mund t’i bëjnë pyetje ekspertit, për mendimin e paraqitur prej tij, gjatë procesit gjyqësor civil.

Ç. Nëse ka nevojë për kryerje ekspertimi të ri, në të njëjtin proces gjyqësor civil, caktohet një ekspert tjetër nga ai që ka kryer ekspertimin e parë.

3. Procedura e caktimit dhe emërimit të ekspertit, si dhe e paraqitjes dhe administrimit të aktit të ekspertimit:

A. kalon në një fazë të vetme;

B. kalon në dy faza;

C. kalon në tre faza;

Ç. kalon në katër faza.

4. Shpërblimet që përfiton eksperti përbëhen:

A. vetëm nga shpërblimi për ekspertim;

B. nga shpërblimi për ekspertim dhe nga shpenzimet e kryera me qëllim përmbushjen e detyrave (shpenzime transporti, apo dieta ditore);

C. nga shpërblimi për ekspertim dhe nga shpenzimet për largim nga vendi i punës;

Ç. nga shpërblimi për ekspertim, nga shpenzimet e kryera me qëllim përmbushjen e detyrave (shpenzime transporti, apo dieta ditore), si dhe nga shpenzimet për largim nga vendi i punës.

5. Eksperti ka të drejtë:

A. të marrë vetë akte, me cilësinë e provave shkresore, si p.sh. kontrata nga zyrat noteriale, apo dokumenta të tjera të nevojshme;

B. të verifikojë vërtetësinë e dokumenteve, pranueshmërinë, apo vlefshmërinë e tyre si prova;

C. të mos japë mendim të arsyetuar, duke u mjaftuar te përfundimet teknike;

Ç. të njihet me materialet e çështjes, të marrë pjesë në seancë gjyqësore, të bëjë pyetje, të japë shpjegime dhe të kërkojë nga palët të marrë të dhëna nga të tretët, brenda kufijve të nevojshme për kryerjen e detyrës.

“Aktet e ekspertimit si provë shkresore. Kushtet e vlefshmërisë, përdorshmërisë dhe papërdorshmërisë së tyre në procesin gjyqësor civil. Procesi i të provuarit gjatë gjykimit civil dhe veçoritë e aktit të ekspertimit si provë”

Leave a Reply Cancel reply

Shkolla e Magjistraturës